پارتی یا سەوزا کوردستانی پارتی يەکا نوى یە د گورەپانا خەباتێ دا ل هەرێما کوردستانا عیراقێ ، ژبێ خەمەتی پتر موکم کرنا بەرژەوەندیێن
هەرێمێ ، زێدە باری خۆدیتن دپێشخستنا دیموکراسیێ و فرە حزبایەتیێ ل هەرێمێ . یا خویایە فرە حزبایەتی دیاردەیەکا تەندروستى یە ل ناڤ هەمی رژێمێن دیموکراسی خازدا. کوردستانا مەژی بەشەکە ژ ڤێ جیهانا نوی دا ژبو بجهـ ئینانا ئارمانجێت دیموکراسیى و مافێن مروڤى . ژ بەر ڤێ چەندێ ئەم دبینین ژ دایک بونا پارتى یا سەوزا کوردستانی دیاردەیەکا نایابە بتایبەتی د مێژویا کوردستانێ دا ، ئو بگشتی ل رۆژهەلاتا ناڤین ، ژبەر کو هەلگرێ دروشمێن گوهرینێن رهو ریشالینە ل کوردستانێ ل بواری زانستی وکومەلایەتی وئابوری ، وە خو دبینیت بەرپرسیار ل پاشەرۆژێ بەرامبەر گەلێ خو . زور کەس دەمێ گوهداریا پەیڤا سەوز دکەن وەسا هزردکەن کو ئەڤ پارتە تایبەت مەندە ب ژینگەهێ ڤە ! بەلێ راستە ژینگەهـ بەشەکێ هەرە گرنگە دڤێ پارتێدا، بەلێ هندەک تەوەرو ئارمانجێن دیێن گرنگ ژی ب ستویێ خوڤە گرتی نە و خەباتێ بۆدکەت ، ئەڤێ پارتێ وەکی درۆشم ئەڤ ئارمانجە هەلگرتی نە زێدەباری ژینگەهێ ، ئەوژی دیموکراسیەت ئو پێسئخستنا کومەلایەتی و نە هێلانا توندو تیژیێ و وەک هەڤی ل ناڤ بەرا رەگەزێ نێرو مێ دا و ئو دابینکرنا مافێ مروڤا ل کومەلگەها کوردی و داد پەروەری یاکومەلایەتی . ئەڤ دروشمە هەمی دبنە خالێن سەرەکی د فەلسەفەو ئایدلوجیەتا پارتى یا سەوزا کوردستانی دا . بگورەی ڤان ئارمانجێن مە دەست نیشان کرین ئەم رەفزا هەمی پێگەهێن دەست هەلاتداریێ د کەین ئو مە باوەری و ئیمان هەیە ب ئازادیێ و شفافيەتی د کار کرنێ دا ل سەر بناغێ بەرژەوەندى یا گشتی سەروەرە ل سەر هەمی بەرژەوەندیێن تاکی دا . پارتیا سەوز رکمانیێ و رشدبونێ دکەت ژبو کو دەست هەلاتا رامیاری (سیاسی) گوهرین تێدا هەبیت تاکو نەهێتە استغلال کرن ژبو بەرژەوەندیێن تەسک و تایبەت . ژبەر ڤێ چەندێ داخازا مە ژ پەرلەمان و پارتێن سیاسی ڤێ خالێ ب گرنگ ل بەر چاڤ وەربگرن و پێگیرپێ پێ بکەن ژ بو نە هێلانا وێ دیاردا کو بەری نوکە مە دەست نیشان کری ( استغلال کرن ژبو بەرژەوەندیێن تەسک و تایبەت) . پشتی سەرهەلدانا گەلێ مەیێ پیروز ل ئادارا 1991 ئو پشتی هەلبژاردنێن 1992 ێ و دامەزراندنا حکومەتەکا هەلبژارتی ژ لایێ گەلێ مەیێ ماندیبوی و خەباتکەر ڤە ، زۆر تشتێن گرنگ ل ناڤ هەرێمامەیا کوردستانێ دا دروست بون ژبێ خەمەتی دیموکراسیەتێ ، ئەوژی دابین کرنا دوو وزارتێن هەرە گرنگ ل ناڤ حکومەتا هرێما کوردستانێ ، کو ئەڤ کارە ب پیروزی تێتە قەلەم دان ، ئەوژی وزارەتا ژینگەهێ ئو وزارەتا مافی مروڤ . بەلێ یاخویایە کو ئەڤە هەمی ژ ئەنجامێ هەڤگرتنا گەلێ مە بو بودیمکراسیەتێ و دژایەتی یا دیکتاتوریەتێ و جینوساید کرنێ . وە رەنگ ڤەدان بو بەرامبەر کریارێن رژێمێن شوڤینیێن عیراقێ ل بەرامبەر گەلێ کوردستانێ ، ئو دیرکەفتنا وان ژ بیرو باوەرێن مروڤایەتیێ و دیموکراسیەتێ وە ژ ئەنجامێ کریارێن درندانەیێن رژێما بەعس ل سەر کومەلگەها عیراقێ ب گشتی وە ل سەر کوردستانێ ب تایبەت وەکو سوتنا دارستانا و چیایێن کوردستانێ و هشک كرنا کانی و ڕیبارا و بکار ئینانا چەکێ قەدەغەکری ژ لایێ وڵاتێن جیهانێ ڤە و بتایبەت چەکێ کیمیاوی.
هەر وەسا هەژی گۆتنێ یە بێژین كو دێ هەمی هەولدان و بزاڤا کەین ژ بو زڤراندنا هەردو وزارەتێن هاتینە لادان بێ ئەگەر ل رێکەفتی 26.10.2009 ل رينشتنا 8 يا خولا سيى يا پەرلەمانێ كوردستانى ئەوژی لا بردنا ( وزارەتا ژینگەهێ - ئو وزارەتا مافی مروڤ )، ژبەر کو ڤان هەردوو وزارەتا تایبەت مەندی يا خو هەیە د کارێ پارتا مەدا پارتا مەدا .
هەژی گوتنێ یە کو بێژین پەرلەمانێ عیراقێ ل رێکەفتێ 4 تموزێ ل رینشتنا 40 دا ، ب بەشدار بونا حکومەتا عیراقا فیدرال ل رێک کەفتنا ( ڤینا ) و ( پروتوکولێ مونتریال ) ژبو پاراستنا تەخا ئوزونێ ، ژبەر کو زور بسپورو چاڤدێرو حەژێکەرێن ژینگەهێ ئەڤ پێنگاڤە ب پێنگاڤەکا پوزتیڤ و نوی و باش بقەلەم دا ژبو پاراستنا ژینگەها عیراقی و پێشئێخستنا روشنبیرى یا ژینگەهێ ل جڤاکا عیراقیدا .
هەروەسا پارتى یا سەوزا کوردستانێ رێزگرتن و ئازادى یا کەسایەتیا مروڤی ژ خالێن هەرە گرنگ دئایدلوجیەتا خۆدا دبينيت ، وە مافێ جارە نڤیس و لایەن گریا بێ دەست هەلاتا د کەت. ب دیتنا مە دیرکەفتن ژ توندو تیژیێ وتوخم پەرستیێ ئان کو رەگەز پەرستیێ ژ بیرو باوەرێن مەنە. و پاراستنا داهاتێن سروشتی کو مەرجەکێ هەرە گرنگە ژ بو ئاسودەیی و خوشیێ د ژیانا مەیا پاشەروژێ دا . لەورا پاراستنا ژینگەهێ وژیان دارێن وێ دبنە خالێت گرنگ وئێک لایی کرن دبارێ خەباتا مەدا ، وە ب گوڕەی ڤان خالێن چویی ئەم دشێین بێژین کو ئایدولوجیا مە هاتیە دانان ل سەر ڤان بناغا (یەکسانی - ئازادی - دادپەروەری یا کومەلایەتی) ل چار چوڤێ دیموکراسیەکا ب بزاڤ و چالاک . لەورا دبێژین دیموکراسیەت سەروەرە بو هێلا مەیا رامیاری ژ بو بجهئینانا ( یکسانیێ - ئازادیێ - دادپەروەری یا کومەلایەتی) . ئەڤ پارتیا کوردستانى یا نوی دێ کەڤیتە خەباتێ ئو ململانێ ب رێکێن دیموکراسی و یاسایی د گورەپانا رامیارىیا کوردستانێ مل بمل دگەل پارتێن دەستیردایی ل هەرێما کوردستانێ . ل ژێر پەیرەوو بەرنامەیەکێ رون و ئاشکرا هەر وەکی دبەلگەیا یاسايى یا سەرەکى یا پارتێ دا هاتیە کو ( پاراستنا ژینگەهێ - دیموکراسیەت - دادپەروەری یا کومەلایەتی) ب باوەریا مە دڤێت ئەڤ خالە هەبن داببنە مەرج ژبو ژیانەکا ئاسودە ئو بەختەوەر بو ئاکنجیێن هەرێما کوردستانێ