ژیان یاسین
بو پروسا ئاشتیێ كی چەكی بدانیت پەكەكە یان توركیا ؟ چەند سالا جارەكێ بابەتێ پێڤاژویا ئاشتیێ ل توركیا دبیتە سەردێر و مانشێتێ میدیایێن كوردی و هندەك میدیایێن توركی ، دشێین بێژین هەر دەمێ توركیا هەست ب مەترسیا رەوشێ كر دێ بحسێ ئاشتیێ كەتن ، توركیا ل دوبارە دارشتنا نەخشێ روژهەلاتا ناڤەراست دترسیت، ددەمەكێ دا سیاسەتا توركیا یا نەتەوەپەرست و نەدیموكراتە دبیتە ئەگەر كو ملەتەكێ ب ملیونا بێبەهركری ژ سەرەتایترین مافێن خو ژ زمان و كلتور و ناسنامەیێ . شەری بكەت ژ بو ئاشتیێ و ئازادیێ . توركیایە بویە ئەگەر بسالایە كچ و كورێن چوار پارچێن كوردستانێ قەندیل پاراستی بخویناخو و نەهێلایە پێ دوژمنا ب ڤێ ئاخێ بكەڤیت سەرەرای هەبونا دەستێن قرێژێن نافخو . پەكەكە هێزەكا ئاشتیخوازە ئەگەر توركیا لێبگەریت ، ئەگەر توركیا ئاگری نەهەلكەت چ دویكێل ژێ بلندنابن ژلایێ پەكەكێ ڤە واتە هەر توركیایە كوردا نەچاردكەتن ب شەر داخازا مافێ خو بكەتن ، پەكەكە دزانیت سیاسەتا توركیا سیاسەتەكا نەژادپەرستە و دیرە ژ بنەمایێن مافێن مروڤی ، لەوا ژ تفەنگێ زێدەتر چ زمانێ دی تێناگەهیت . یاگرنگە توركیا بزانیت كو نوكە هەمی دونیا دزانیت كی شەرخوازە و كی ئاشتیخوازە . تاكە دوستێ دوزا كوردا ئەو تفەنگە و ئەو ئیرادەیە چونكی ئەو تفەنگە بەرگریێ ل هەبونێ و بیروباوەرێ دكەت ، توركیا مێز نینە دا گفتوگویێ بكەتن ، زمان نینە دا پێ باخڤیت . كوردا ل باكور نیشادا كو ئەم حازرین ژبو شەری ب سالا و ئەم حازرین بو ئاشتیێ نابیت ل جهەكێ بحسێ ئاشتیێ بیت و ل جهەكێ درون و توپ و تەیارە سڤیلا شەهیدبكەن .ژبو كو پروسا ئاشتیێ سەربگریت كو ئەز نەباوەرم سەربگریت دڤێت توركیا چەكی بدانیت نەك پەكەكە .
