لە پەراوێزی بەشداریی لە کۆنگرەکەی بەستراو لە کۆریای باشوور، د. هەندرێن ئەشرەف نعمان، سکرتێری گشتیی پارتی سەوزەکانی کوردستان، لە ڕێکەوتی 14ی حوزەیرانی 2023، لەگەڵ نوێنەرانی سەوزەکانی نەمسـا و پارتی سەوزەکانی مەنگۆلیا کۆبووەوە. ئەم دیدارانە بەشێک بوون لە زنجیرە کۆبوونەوەکانی لەگەڵ نوێنەرانی پارت و بزووتنەوە سەوزە بەشداربووەکانی کۆنگرەکە.
لە دیدارەکەی لەگەڵ لایەنی نەمسـا، د. هەندرێن ئەشرەف نعمان لەگەڵ Katrin Fallmann، لە گروپی سەوزەکان لە پەرلەمانی نەمسـا و یاریدەدەری پەرلەمانتار Ewa Ernst-Dziedzic، کۆبووەوە. لە کۆبوونەوەکەدا ژمارەیەک بابەتی جێی بایەخی هاوبەش تاوتوێ کران، بە تایبەتی پاراستنی ژینگە، کاری سیاسیی سەوز و گرنگیی بەهێزکردنی پەیوەندی و هاوکاری لەنێوان هێزە سەوزەکان لە ئاستی نێودەوڵەتیدا.
هەروەها د. هەندرێن ئەشرەف نعمان لەگەڵ Dulgun Bumyalagch، سکرتێری نێودەوڵەتیی پارتی سەوزەکانی مەنگۆلیا (Mongolian Green Party)، کۆبووەوە. لە دیدارەکەدا بیروڕا لەسەر پرسە ژینگەیی و کەشوهەواییەکان گۆڕدرایەوە و ڕێگاکانی پەرەپێدانی پەیوەندی و ئاڵوگۆڕی ئەزموون و شارەزایی لەنێوان پارتی سەوزەکانی کوردستان و پارتی سەوزەکانی مەنگۆلیا تاوتوێ کران.
ئەم دیدارانە دەرفەتێک بوون بۆ ناساندنی دیدگا، چالاکی و بایەخە ژینگەییەکانی پارتی سەوزەکانی کوردستان، هەروەها ئاشنابوون بە ئەزموونی سەوزەکان لە نەمسـا و مەنگۆلیا، بە مەبەستی فراوانکردنی پەیوەندی و هاوکاری لەگەڵ بزووتنەوەی سەوز لە ئاستی نێودەوڵەتیدا.
ئەم کۆبوونەوانە لە چوارچێوەی بەشداریی پارتی سەوزەکانی کوردستان لە چالاکییە نێودەوڵەتییەکان و هەوڵەکانی بۆ بەهێزکردنی گفتوگۆ و ئاڵوگۆڕی ئەزموون لەسەر پاراستنی ژینگە، بەرەنگاربوونەوەی گۆڕانی کەشوهەوا، پەرەپێدانی بەردەوام و هاوکاری لەنێوان پارت و بزووتنەوە سەوزەکان دێن. 14ی حوزەیرانی 2023 – کۆریای باشوور
